Prezident Kitabxanasının hazırladığı “Türk xalqlarının kitab abidələri” adlı elektron layihədə kitabxananın fonduna daxil olan və türkdilli dövlətlərin mədəni irsinin bir hissəsini təşkil edən kitab abidələrinin elektron versiyaları hazırlanmış, həmçinin bəzi nümunələrin internet məkanında mövcud olan elektron versiyaları toplanmışdır. Elektron resursun əsas məqsədi türk xalqlarına aid pərakəndə halda olan kitab abidələrini vahid portal üzərindən internet istifadəçilərinə sistemli və əlçatan şəkildə təqdim etməkdir.