25 yanvar 2017-ci ildə Prezident Kitabxanasının Konfrans zalında görkəmli dövlət və elm xadimi Əziz Əliyevin həyat və fəaliyyətini özündə əks etdirən elektron resursunun təqdimatı olmuşdur. Kitabxananın direktoru elektron resursun strukturu haqqında ətraflı məlumat verərək bildirmişdir ki, Azərbaycan və rus dillərində olan resurs 9 bölmədən ibarətdir. Resursda Əziz Əliyevin həyat və fəaliyyəti barədə sənədlər, kitablar, məqalələr, eləcədə özünün əsərlərinin elektron variantlarından ibarət bölmələr, foto və video qalereya təqdim olunur. Elektron resursun təqdimatında Mərkəzi Kliniki Xəstəxananın baş direktoru İxtiyar Sultanov, Naxçıvan Muxtar Respublikasının Bakı şəhərindəki daimi nümayəndəsi Bəxtiyar Əsgərov, Azərbaycan Respublikasının Müəllif Hüquqları Agentliyinin şöbə müdiri Natiq İsayev, Prezident Administrasiyası Xarici Əlaqələr şöbəsinin məsul əməkdaşı Elmar Hüseynov və Əziz Əliyevin nəvəsi, professor Tamfira Əliyeva çıxış edərək belə bir resurs hazırladıqlarına görə kitabxananın kollektivinə minnətdarlıqlarını bildirmişdilər. Təqdimatda Əziz Əliyev haqqında filmlərdən fraqmentlər nümayiş etdirilmişdir. http://azizaliyev.preslib.az/